She claimed that her husband, mother inlaw and her uncle died while they are alive.

Batheeletši ba Perfect Radio nase mo lenaneong la Sa Mafahleng Programme balli ba rena ke basadi ba Khetheng burial society yeo e lego society ya basadi ya go bolokišana nakong ya ge yo mongwe a hlagetšwe ke lehu. Basadi ba ba lla ka yo mongwe wa maloko a society e lego Tebogo Sekhwela yoo a bego bikilwe Ga-Sekgopo ka lapeng la ga Letswalo. Ka ngwaga wa 2023 a begilego gore mmatswale ba gagwe e lego Sehlane Letswalo ba hlokofetše gomme society ya mo fa tšelete ya go lekana R3000, ngwaga wa go latela a boya gape a tla a re monna wa gagwe Daniel Ngwako Letswalo o hlokofetše, ba mo fa R4000, a boya gape a re borangwane a gagwe Elvis Thako ba hlokofetše, ba mo fa R3000. Bjale malobanyana gwa direga gore yo mongwe wa badudi a bone ntate Ngwako Daniel Letswalo ko toropong gomme a ba swantšha. Ge a ba botšiša ba re ke bona Ngwako Daniel Letswalo ebile bona le bommabona Sehlane Letswalo ba ya phela ba ja bogobe. Mola ka go le lengwe bo malome a gagwe Elvis Letswalo le bona bao a bego a ba begile gore ba hlokofetše ba gona ba ya phela. Taba yeo e ile ya tsoša lešata societeng. Theeletša mo ge mogaši wa rena Raymond Selowa a boledišana le basadi ba society, Daniel Ngwako Letswalo, Ba ga Thako le ntate Elvis Thako, Mosadi yoo wa molatofatšwa e lego Tebogo Sekhwela ka taba ye